'సోదర సోదరీమణులారా' ఫస్ట్ లుక్ విడుదల!

దిశ, సినిమా: రఘుపతి రెడ్డి దర్శకత్వంలో కమల్ కామరాజు, అపర్ణాదేవి ప్రధాన పాత్రల్లో తెరకెక్కుతున్న చిత్రం 'సోదర సోదరీమణులారా'. 9 EM ఎంటర్టైన్మెంట్స్, IR మూవీస్ బ్యానర్లపై విజయ్ కుమార్ పైండ్ల నిర్మిస్తున్న సినిమా నుంచి గణతంత్ర దినోత్సవ సందర్భంగా ఫస్ట్ లుక్ రిలీజ్ చేశారు మేకర్స్. సిస్టర్స్ అండ్ బ్రదర్స్ టాగ్ లైన్‌తో కమల్ కామరాజు, అపర్ణాదేవి ఎమోషనల్ లుక్‌తో ఉన్న ఈ పోస్టర్ చూడగానే ఆకట్టుకుంటుంది. ఇక పక్కా స్క్రిప్ట్‌, పెర్ఫెక్ట్ ప్లానింగ్‌తో 35 రోజుల్లోనే చిత్రీకరించిన ఈ హార్ట్ టచింగ్ ఫ్యామిలీ డ్రామా ప్రేక్షకులను తప్పకుండా అలరిస్తుందన్న దర్శక నిర్మాతలు.. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయని, ఈ సమ్మర్‌లో సినిమాను విడుదల చేస్తామని తెలిపారు. కాలకేయ ప్రభాకర్, పృథ్వీరాజ్ ప్రధాన పాత్రలు పోషిస్తున్న చిత్రానికి మదీన్ ఎస్.కె సంగీతం అందిస్తున్నాడు.

ఇవి కూడా చదవండి : ఇది నమ్మశక్యంగా లేదు.. పద్మశ్రీపై Raveena Tandon